ਅੱਜ ਸਮਝੌਤਾ ਕਰੋ
ਕਿਓਂਕਿ ਜਿੰਦਗੀ
ਸ਼ੁਰੂ ਕਰਣੀ ਹੈ.
ਕੱਲ ਸਮਝੌਤਾ ਕਰੋ
ਕਿਓਂਕਿ ਜੀਵਨ ਸਾਥੀ ਨਾਲ
ਵਿਆਹ ਕਰਣਾ ਹੈ.
ਫੇਰ ਸਮਝੌਤਾ ਕਰੋ
ਕਿਓਂਕਿ ਜਿੰਦਗੀ
ਜਿਓੰਦੇ ਰਹਿਣਾ ਹੈ.
ਇਕ ਵਾਰ ਫੇਰ ਸਮਝੌਤਾ ਕਰੋ
ਕਿਓਂਕਿ ਆਪਣਾ
ਕੈਰਿਯਰ ਬਣਾਓਣਾ ਹੈ.
ਵਾਰ ਵਾਰ ਸਮਝੌਤਾ ਕਰੋ
ਕਿਓਂਕਿ ਆਪਣੀ ਜਗਾਹ ਤੇ
ਕਾਯਮ ਰਹਿਣਾ ਹੈ.
ਹਰ ਵੇਲੇ ਸਮਝੌਤਾ ਕਰੋ
ਕਿਓਂਕਿ ਸੱਬ ਨੂੰ
ਖੁਸ਼ ਜੋ ਦੇਖਣਾ ਹੈ.
ਆਪਣੀ ਮਰਜ਼ੀ ਨਾਲ
ਸਮਝੌਤੇ ਕਰਦੇ ਰਹੋ
ਇਸ ਦਾ ਕੋਈ ਅੰਤ ਨਹੀਂ
ਜਦੋਂ ਤੱਕ ਤੁਹਾਨੂੰ
ਜਿਊਣ ਦਾ ਸਲੀਕਾ ਆਵੇਗਾ
ਇਹ ਜਿੰਦ...
ਖਤਮ ਹੋ ਚੁਕੀ ਹੋਵੇਗੀ!